Османи од Рим директно во Брисел на НАТО Министерски состанок
По министерскиот состанок за Западен Балкан во Рим, министерот за надворешни работи, Бујар Османи продолжува на НАТО министерски состанок, што ќе се одржи на 4ти и 5ти април, во Брисел.
Во фокусот на разговорите ќе биде поддршката на политиката на Отворени врати на НАТО, што се потврдува со пристапувањето на Финска како 31-ва земја членка на Алијансата. Воедно, ќе стане збор и актуелните безбедносни предизвици, поддршката за Украина, како и последиците од руската воена агресија.
На состанокот ќе се трасира патот за следните подготовки за претстојниот НАТО Самит во Вилнус, а ќе бидат разгледани и начините за унапредување на соработката со партнерите, со цел заеднички да се одговори на заканите и предизвиците со кои се соочуваат НАТО членките.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
