Пентагон: Не испраќаме дополнителни сили поради нападот врз Хутите
Соединетите Американски Држави не планираат да испратат дополнителни сили во регионот откако американската и британската армија извршија напади против јеменските бунтовници Хути, изјави денеска портпаролот на Пентагон, Патрик Рајдер.
Тој исто така објави дека американскиот министер за одбрана, Лојд Остин, кој беше хоспитализиран на 1 јануари, бил „активно ангажиран во следењето и насочувањето на овие напади“, пренесува „Ројтерс“.
Во нападот на Хутите, САД, Велика Британија и нивните сојузници користеле моќен арсенал оружје, вклучително и ракети „Томахавк“, и ангажирале подморници и борбени авиони „тајфун“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
