По Црна Гора, силен земјотрес ја стресе Албанија

Силен земјотрес со јачина од 4,2 степени според Рихтеровата скала вечерва ја погоди Албанија.

Епицентарот на земјотресот бил на 25 километри од Елбасан на длабочина од два километри, јавува ЕМСЦ.

Претходно денес земјотрес ја погоди и Црна Гора кај Бар.

Сеизмолошкиот сектор на Институтот за хидрометеорологија и сеизмологија на Црна Гора во 16 часот и 10 минути регистрираше помал земјотрес со епицентар на 19 километри југозападно од Бар.

Јачината на земјотресот во фокусната точка била 3,3 степени според Рихтеровата скала. Епицентарот на земјотресот e лоциран на длабочина од 10 километри.

Како што соопштија од Институтот, земјотресот не можел да предизвика материјална штета во епицентралното подрачје.