По пауза од шест години Дејан Манасков се враќа на сцената: Тој е нов ракометар на Вардар 1961
– Долгогодишниот македонски репрезентативец Дејан Манасков ги засили редовите на актуелниот шампион Вардар 1961 и се врати во „црвено – црниот“ дрес по пауза од шест години.
Манасков се враќа во актуелниот македонски шампион од редовите на унгарски Веспрем каде со успех настапуваше изминатите неколку сезони, како еден од најдобрите стрелци со 540 голови на 160 натпревари.
Претходно Манасков настапуваше за Борец Велес, Металург, Вецлар и Рајн Некар.
– Вардар добива брз, прецизен и искусен играч со големо меѓународно искуство со што екипата повторно гради силен, респектабилен и конкурентен тим и за следната сезона, соопшти попладнево македонскиот шампион.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
