Подгответе ги чадорите и јакните: Ќе врне дожд и ќе вее снег неколку дена
Времето утре претежно облачно, уште од ноќта, а потоа и преку денот со повремени врнежи од дожд, наместа пообилни (над 20 л/м2), а на планините со повремен снег. Ќе дува слаб до умерен, долж Повардарието повремено засилен ветер од северен правец, соопшти УХМР.
Во Скопје претежно облачно од преку ноќта и потоа преку денот со повремени врнежи од дожд,повремено пообилни.
Во петок и до сабата наутро ќе има врнежи од дожд кои на планините и на некои повисоки места особено во западните делови од земјата ќе бидат од снег и ќе се формира снежна покривка. Ќе дува умерен до засилен северен ветер, особено изразен во петок.
Во деновите од викендот времето ќе биде стабилно со пониски утрински температури.
13.11.2024 - 13:05
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
