Пожар на Крит: Грчките пожарникари се борат со огнените стихии
Пожарот што избувна во реонот меѓу селата Орне и Криа Вриси во општина Агиос Василиос денеска го гаснат 110 пожарникари од пет бригади со 33 возила, јавува грчкиот весник „Катимерини“.
Нивната воздушна работа е поддржана од пет хеликоптери.
Од жителите од седум села веќе е побарано превентивно да ги евакуираат своите домови, иако во пожарот не изгореа куќи.
На жителите на Мелабес им било кажано да се евакуираат во правец на Неа Крија Вриси, додека пожарот кај селата Орне и Крија Вриси бил надвор од контрола поради исклучително силните ветрови, изјави вчера локалниот функционер Јанис Татаракис.
Силен ветер го попречува гаснењето на пожарот, а денеска според информации од Противпожарната служба нешто пред 10 часот состојбата била подобра, вели Катимерини.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
