Позната е причината зошто Шакира се плашела да стапи во брак со Пике

Пејачката Шакира и фудбалерот Жерар Пике пред два дена потврдија дека се разделуваат по 12 години врска.

„Жал ни е што потврдуваме дека се разделуваме. За доброто на нашите деца, кои се наш најголем приоритет, ве молиме почитувајте ја нивната приватност. Ви благодариме на разбирањето – изјавила пејачката, пренесува Дејли Мејл.

Иако дојде крајот на љубовната приказна на колумбиската пејачка Шакира и нејзиниот невенчан сопруг фудбалерот Жерар Пике парот ја фасцинираше јавноста повеќе од една деценија како идеален пар. Фановите веруваа дека „тајната состојка“ за нивниот досегашен успех на емотивен план е тоа што пејачката без оглед на големата љубов и двете деца, не сакала официјално да се омажи за шпанскиот фудбалер.

„Да бидам искрена, бракот многу ме плаши. не сакам тој да ме гледа само како сопруга. сакам да ме гледа како девојка, љубовница, забрането овошје… разбирате? сакам да го држам во неизвесност и да мисли дека се е можно и дека се зависи од однесувањето“, изјави шакира гостувајќи во една емисија заедно со Пике.

Една од причините поради која популарната Колумбијка се плашeла по вторпат да го изговори судбоносното „да“ сигурно е и големиот проблем кој го имаше за време на разводот од првиот сопруг Антонио де ла Руа. Имено, Антонио најпрвин ја тужеше Шакира за 250 милиони долари, а потоа за уште 100 милиони долари обвинувајќи ја дека успешно ја водел нејзината кариера цела деценија, но кога таа ја прекинала нивната деловна соработка тој претрпел огромни загуби.

Судот тогаш ги отфрлил сите негови обвинувања, а пејачката и Пике станаа родители на два сина, Милан и Саша.