Пресуда „Тврдина“: Јанкуловска ослободена, на Мијалков му застаре делото, затвор за Грујевски, Бошковски и Јакимовски

Во Кривичниот суд денеска  се објави пресудата за „Тврдина“.

Поранешната министерка за внатрешни работи, Гордана Јанкулоска е ослободена за уништувањето на системите за следење во случајот „Тврдина“, додека на поранешниот директор на Управата за безбедност и контраразузнавање, Сашо Мијалков му застаре делото.

За виновни се прогласени поранешните разузнавачи во УБК, Горан Грујевски и Никола Бошкоски кои избегаа од Македонија во Грција, поранешниот шеф шефот на кабинетот на Мијалков, Тони Јакимовски и Валентина Симоновска за уништувањето на системите со кои се прислушуваа илјадници граѓани, стопанственици, политичари и новинари.

Груевски за три кривични дела е осуден на 14 години и шест месеци затворска казна, Јакимовски за две кривични дела е осуден на три години затвор, Бошкоски е осуден на девет години и десет месеци, а Валентина Симоновска доби условна казна.

„Тврдина“ беше дел од предметот “Таргет-Тврдина“, односно дел од предметот за масовното прислушување кој застаре со измените на Кривичниот законик изгласани во септември 2023 година. Судијата Трпков овие измени ги нарече упад во судството.