Принцот Хари oткри кој бил прв збор на малиот Арчи- „Тоа е најслаткото нешто, но воедно и најтажно“
Првите зборови на Арчи биле многу сентиментални за татко му, принцот Хари.
Во неговата нова документарна серија на „Епл ТВ-плус“, The Me You Can’t See, што тој ja создаде заедно со Опра Винфри, војводата од Сасекс (36) откри дека еден од првите зборови на неговиот двегодишен син бил „баба“ нишајќи со главата кон фотографија на принцезата Дијана.
Според Хари, фотографијата од неговата покојна мајка, која трагично почина на 36 години по сообраќајна несреќа во Париз (1997), моментно виси на ѕидот во една соба во семејната куќа во која живее со сопругата Меган Маркл.
„Закачив слика од неа во собата каде што си игра и еден од неговите први зборови – освен мама, тато – беше и баба. Тој рече ‘баба Дијана’. Тоа е најслаткото нешто, но во исто време навистина ме растажува затоа што таа требаше да биде тука“.
„Мајка ми ќе беше неверојатно горда на мене“, вели принцот Хари, а медиумите споделија фотографија од него како мал во рацете на принцезата Дијана.
Макфакс
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
