Продолжи судењето за Вања и Панче: Палевски подготви 97 прашања за Кешишев

Во Кривичниот суд во Скопје денеска продолжи судењето за двојното убиство на Вања Ѓорчевска и Панче Жежовски, а првообвинетиот Љупчо Палевски – Палчо требаше да му поставува прашања на сведокот Влатко Кешишев, кој исказ даваше на претходното рочиште.

На почетокот на денешното рочиште, Палевски изјави дека има подготвено 97 прашања за Кешишев.

„Имам 97 прашања, детално ги имам прочитано сите записници од Јавното обвинителство. Овие прашања се темелат на тие записници и имаат за цел да ги истакнат важните податоци за целиот случај. Сметам дека не е прекршок што имам сознанија за противречности во исказите, и токму затоа не беа читани записниците на Влатко Кешишев“, рече Палевски во судница.

Mинатото рочиште, адвокатот на Кешишев побара отстранување на Палевски од судницата за време на неговото сведочење, што судот и го одобри. Адвокатот Страшевски се спротивстави на оваа одлука, но Палевски сепак не присуствуваше на исказот на Кешишев.

Пред Кешишев, исказ во судница дадоа и сведоците Велибор Манев и Боре Видевски.