САД бара од Косово да ја преиспита одлуката за укинување на динарот

Соединетите Американски Држави ја повикуваат владата на Косово да ја преиспита одлуката за укинување на денарот и воведување на еврото како единствена валута.

Тие сметаат дека одлуката не треба да биде избрзана, напротив потребен е дијалог со сите засегнати страни и доволно време за прилагодување кон ваква значајна промена.

Потпаролот на американската амбасада во Косово за Радио Слободна Европа изјави: „Загрижени сме дека уредбата усвоена на 27 декември ќе има негативно влијание врз српската заедница во Косово“.

За потсетување, на 17 јануари Централната Банка на Косово објави дека од 1 февруари единствена валута за готовина и платежни трансакции ќе биде еврото. Посочија дека оваа одлука се темели на Уставот на Косово.