Силен земјотрес ја погоди Јапонија
Земјотрес со прелиминарна јачина од 5,3 степени според Рихтеровата скала утрово погоди област во близина на Токио, но не е издадено предупредување за цунами и нема информации за жртви, соопшти метеоролошката агенција и локалните власти.
Земјотресот се случил околу 9:08 часот по локално време, со епицентар во префектурата Ибараки во источна Јапонија, на длабочина од околу 46 километри, соопшти Јапонската метеоролошка агенција.
Поради земјотресот привремено е запрен сообраќајот на брзите возови кои ги поврзуваат Токио и градовите во централна Јапонија, Нагано и Ниигата, јавува агенцијата „Кјодо“.
По земјотресот не се пријавени дефекти во нуклеарната централа Токаи бр.2 во Ибараки, соопшти операторот на централата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
