Собранието го усвои петтиот пакет мерки
Со 113 гласа „За“ пратениците ги донесоа трите закони од петтиот пакет економски мерки за помош на граѓаните и фирмите. „За“ гласаше и опозицијата и двајцата пратеници од мнозинството кои иако заразени со Ковид-19 денеска дојдоа во Собранието.
Станува збор за Законот за финансиска поддршка на физички лица кои вршат самостојна дејност погодени од здравствено-економската криза предизвикана од вирусот ковид-19, за месеците февруари и март 2021 година, Законот за финансиска поддршка на работодавачите погодени од здраствено-економската криза предизвикана од вирусот ковид-19, заради исплата на платите за месеците февруари и март 2021 година и Законот за изменување на Законот за данокот на личен доход.
По завршувањето на седницата двајцата позитивни пратеници го напуштија Собранието.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа