Собранието и Црвениот крст заедно за хумано општество: Средба на Гаши со регионални претставници

Претседателот на Собранието на Република Северна Македонија, Африм Гаши, денеска беше домаќин на Делегацијата на Црвениот крст, со претставници од земјите од регионот. Оваа средба беше организирана во рамките на одбележувањето на 80-годишнината од основањето на оваа хуманитарна организација, информираат од собраниската прес-служба. 

За време на средбата, претседателот Гаши изразил благодарност за континуираната посветеност и придонес на Црвениот крст во справувањето со бројните хуманитарни предизвици, вклучително и брзата и организираната реакција за време на трагичниот пожар во Кочани. Тој нагласил дека присуството на Црвениот крст на терен, покрај конкретната помош, претставува моќен симбол на хуманизмот и општествената солидарност.

-Претседателот на Црвениот крст, Ромал Велев, му се заблагодари на претседателот Гаши за поддршката на Собранието и за соработката и укажаната благодарност. Во меѓувреме, генералниот секретар на Црвениот крст, Саит Сахити, нагласи дека Црвениот крст останува достапен да им помогне на сите граѓани и на Собранието. Во овој контекст, беше нагласена и важната улога што Црвениот крст ја имаше низ годините како партнер на државата и граѓаните во ситуации на криза, природни катастрофи и здравствени итни случаи, како и во секојдневната хуманитарна активност, велат од собраниската прес-служба.

Претседателот на Собранието ја истакнал институционалната посветеност за продолжување на поддршката на Црвениот крст и за зајакнување на соработката меѓу државните институции и хуманитарните организации, со цел изградба на посолидарно општество со одржливи човечки вредности.

Гаши, пак, го пофалил учеството на претставниците на Црвениот крст од различни земји во регионот како доказ за моќта на соработката и солидарноста надвор од етничките, државните и политичките интереси.

Инаку, било нагласено дека вечерва, под покровителство на претседателот, ќе се одржи церемонијата по повод 80-годишнината од Црвениот крст, каде што на претседателот Гаши ќе му биде оддадено признание за неговиот придонес и поддршка.