Средба Костадиновски-Манке: Зајакнување на капацитетите на Уставен со поддршка од ЕУ фондови

Претседателот на Уставниот суд д-р Дарко Костадиновски и судиите проф.д-р Ана Павловска-Данева, м-р Татјана Васиќ-Бозаџиева денеска одржаа работна средба со Карстен Манке, тим лидер и негови колеги- експерти ангажирани за спроведување на ИПА 3 проектот кој ќе се применува со цел унапредување на капацитетите на Судот.

Претседателот Костадиновски ги информираше претставниците од експертската група за неговите приоритети во работењето и областите во кои очекува поддршка за зајакнување на капацитетите со помош на инструментот ИПА 3, овозможен преку Европската Унија. 

„Клучни компоненти во оваа програма ќе бидат: 

1.Подобрени законодавни, нормативни и компетенции на надлежност на Уставниот суд и заштита на основните права;

2. Зајакнати менаџерски, административни и капацитети за човечки ресурси, зголемена транспарентност;

3.Подобрено управување со работата на Уставниот суд и квалитето на уставната правда.

На средбата беше договорена динамиката по која ке се постапува за имплементирање на компонентите од проектот“, стои во соопштението на Уставен испратено до медиумите.