Стоилов исфрустриран: Некои играчи овде не ја сфаќаат големината на Вардар
Капитенот на РК Вардар исфрустриран од поразот од Мешков Брест (32-36). Вели дека некои играчи во тимот не сфаќаат што значи да си дел од Вардар.
-Сакам да му честитам на Мешков Брест за победата и му посакувам се најдобро во следната фаза. Тренерот на Мешков ме потсети што е проблемот во нашиот тим. На оваа конференција тренерот на Мешков кажа колку Вардар е специјален и како знае да направи кам-бек. И колку е голем. А, некои играчи кај нас не сфаќаат колку голем и специјален е овој клуб и го сфаќаат здраво за готово тоа што играат тука. Ова е најголемиот проблем овде. Тоа е она кое би сакал да го кажам, изјави Стоилов.
Вардар во осминафиналето од Лигата на шампионите ќе игра против Веспрем.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
