Судот пресече: 10-години затвор за бездомник кој се пресмета со македонски државјани

Минатата година на 23-август во парк во Виена било документирано видео на кое може да се види како неколку луѓе се пресметале со бездомник.

На снимката се гледа како маж го удира, а потоа жената ја вади својата чанта и го удира лицето, кое потоа замавнува и го удира мажот.

Мажот паѓа на асфалтот и повеќе не се движи.

Според информациите од тамошните медиуми, се работи за семејство од Македонија.

68-годишниот маж при ударот се здобил со фрактура на черепот и крварење, по што претрпел синдром на заклучување односно речиси целосна парализа. По 8 недели во болница, истиот починал.

Сега, 33-годишниот бездомник во Регионалниот суд за кривична материја во Виена е обвинет за несовесна телесна повреда со последица смрт.

Според јавното обвинителство, не е првпат обвинетиот, всушност обучен ИТ-техничар, да стане упадлив за насилни кривични дела.

На почетокот на август вечерта, мажот и сегавеќе жртвата веројатно се судриле во паркот Вилхелмсдорфер бидејќи бездомникот пушел. Најпрвин станува збор за вербална расправија (во која бездомникот дури повикал полиција). Но, малку подоцна работите станаа насилни. Постојат различни извештаи за тоа кој прв ги извршил физичките напади.

„Тоа беше самоодбрана. Откако жената го удрила со чантата, тој реагирал на мажот што стоел до него. Станува збор за групна динамика. Наспроти обвинетиот стоела цела група“, вели адвокатот Томас Нирк, кој додава дека клиентот веќе бил претепан пред видеото.

Обвинетиот бездомник исто така се изјасни „невин“.

„Целото семејство се упати кон мене. Добив клоци и тупаници од сите страни. Не претпоставував дека со моите 60 килограми ќе можам да онесвестам некого“, вели тој..

Судот донесе пресуда десет години затвор за обвинетиот бездомник.