СЗО испраќа стручни тимови и авиони со медицинска опрема во Турција и Сирија
Светската здравствена организација испраќа стручни тимови и авиони со медицинска опрема во Турција и Сирија кои беа погодени од разорните земјотреси.
Организацијата ќе испрати делегација на високо ниво за координирање на помошта и три авиони со медицински материјали, од кои еден е веќе на пат за Истанбул, соопшти шефот на СЗО Тедрос Аданом Гебрејесус на брифинг.
Според последните податоци, повеќе од 11.700 луѓе загинале во земјотресот, а СЗО проценува дека таа бројка може да достигне 20.000. Илјадници други се повредени, а сирискиот здравствен систем е на колена по години војна во земјата. Претставникот на СЗО во Турција изјави дека во земјата има повеќе од 53.000 повредени и тресењето на земјата се уште трае.
СЗО веќе одобри три милиони долари како почетна помош.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
