Тошковски од Атина: Обезбеден е континуитет и навремена испорака на обрасци

Министерот за внатрешни работи Панче Тошковски во Атина се сретна со Марк Џулиан Сиверт кој е претседател на бордот на директори на ВЕРИДОС – компанијата задолжена за производство на обрасците за лични документи.

На средбата се разговараше за можноста да се забрза динамиката на производство и испорака на обрасците и беше заклучено дека ќе биде обезбеден континуитет и навремена испорака на обрасци за патни исправи за наредниот период.

Од МВР велат дека со тоа се обезбедуваат услови за машините за производство на пасоши да работат без прекин и со полн капацитет и во месеците мај и јуни.