Трамп: Масовно мамење во Филаделфија - доаѓа полицијата

Полициската управа во Филаделфија изјави за Си-Ен-Ен дека не знае за она што републиканскиот кандидат Доналд Трамп го нарече „масовно мамење“ или каков било проблем што ќе бара полициска реакција.

„Многу се зборува за масовно МАМЕЊЕ во Филаделфија. Полицијата доаѓа!!!“, напиша Трамп на социјалната мрежа Икс.

Трамп со години изнесуваше обвинувања за наводна изборна измама во Филаделфија.

Тој ги повтори ваквите тврдења претходно оваа есен, велејќи на настан во Пенсилванија во септември дека „тие мамат во оваа држава, особено во Филаделфија“.