Твитер наскоро добива нова конкуренција

Во иднина, Мета може да понуди своја алтернатива на Твитер, како Мастодон, наведуваат ИТ медиумите.

Гигантот на социјалните мрежи наводно е во рана фаза на развој на апликација со кодно име P92.

Апликацијата ќе им овозможи на корисниците да објавуваат текстуална содржина и ќе го поддржува протоколот на Mastodon, наречен ActivityPub.

Мета потврди дека се работи на децентрализирана социјална мрежа.

-Истражуваме самостојна, децентрализирана социјална мрежа за споделување текстуални статуси. Веруваме дека има посебен простор каде креаторите и јавните личности можат да споделуваат редовни содржини за нивните интереси, се вели во соопштението.

P92 ќе носи брендирање на Инстаграм, а корисниците ќе можат да се регистрираат и да се логираат со нивните Инстаграм акредитиви. Од друга страна, се нагласува дека споделувањето на содржини од Инстаграм ќе биде минимално.

Бидејќи апликацијата ќе биде децентрализирана, тоа значи дека корисниците можат да постават свои сервери и свои правила за модерирање на содржината.