Убава вест од скопската зоолошка: Се очекуваат бебиња и кај пингвините (ФОТО)

Скопската зоолошка градина објави фотографии и информираше дека наскоро се очекуваат бебиња и кај пингвините.

„Убава вест ни доаѓа од заливот на пингвините

Дел од овие прекрасни птици изведоа јајца и сега се постојано во своите гнезда каде лежат врз потенцијалните бебиња. За да ја зголемиме шансата да имаме за првпат малечки од овој вид, не сакаме да ги вознемируваме и да го чистиме базенот во наредните две недели. Водата е зелена поради сонцето и создавање на алги, но е исправна технички и микробиолошки, а пречистителната станица постојано функционира.

Овој вид на птици е загрозен и е на црвената листа на видови во исчезнување, а со доаѓањето на свет на малечките ќе придонесеме во продолжување на видот.

Апелираме до посетителите да не тропаат по стаклата и да не фрлаат храна во базенот и живеалиштето

Стискаме палци за бебиња пингвини “, информираат од скопската зоолошка.