Утре времен сообраќаен режим кај Градска болница поради снимање филм
Времен режим на сообраќајот ќе биде воведен утре, 31 јули, кај Градска болница поради снимање на филмот „Збогум Копакабано“ на режисерот Милчо Манчевски.
„За потребите на снимањето на филмот „Збогум Копакабано“ во режија на Милчо Манчевски, во продукција на „Банана филм“ и во соработка со МВР и ЈП Улици и патишта, известуваме за времен режим на сообраќајот на булевар 11 Октомври во Скопје, поточно од раскрсницата кај Црвен Крст до раскрсницата кај Градска болница“, велат од ПР тимот.
Времениот режим е предвиден за ден 31.07.2025 (четврток) во времетраење од 22 часот до 4 часот во раните утрински часови.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
