(Видео) Дел од трговскиот центар во Белград се уште гори, во огромниот пожар нема жртви
Дел од трговскиот центарот во Белград е изгаснат, но дел се уште гори. Станува збор за огромен објект.
Лука Чаушиќ, раководител на секторот за вонредни ситуации за српски Телеграф вели дека најважно е што нема жртви во огромниот пожар што утринава избувна во Блок 70.
„Посебно морам да го истакнам ангажманот на хеликоптери, за прв пат хеликоптерските единици на МВР работат на гаснење пожари во внатрешното градско јадро. Тие беа ангажирани по наредба на министерот за внатрешни работи и дадоа голем придонес во намалувањето на температурата, со оглед на тоа дека се ослободува големо количество топлина, за да можат нашите членови да се приближат и да го изгаснат пожарот одвнатре“, рече тој.
Пожарот бил пријавен во 06:57 часот. Над 50 пожарникари со 15 возила и хеликоптери го гасат пожарот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
