(ВИДЕО) Голем пожар во воден парк во Гетеборг, наредена итна евакуација
Голем пожар избувна во воден парк во западниот шведски град Гетеборг, а изгореа тобоган и слични објекти што беа во изградба, соопштија очевидци и спасувачките служба.
Засега нема информации за повредени, а полицијата, поради густиот чад над тој дел од градот, ги советува граѓаните што живеат во тој реон да останат во своите домови и да ги држат затворени прозорците за да не навлезе чадот во нивните куќи, пренесува „Ројтерс“.
Евакуирани се гостите од блискиот хотел и деловните простории.
„Пожарот избувна на еден од тобоганите надвор од зградата, а потоа се прошири на целата зграда“, се наведува во соопштението на паркот „Лизеберг“.
„Ројтерс“ јавува дека пламенот го зафатил тобоганот, а неколку противпожарни возила се обидуваат да го изгаснат пожарот. Во моментот на пожарот немало гости во водниот парк ж, кој требало да биде отворен оваа година и е додаток на забавниот парк во Гетеборг.
#Liseberg pic.twitter.com/XYKIhqeNnO
— RJ (@Norburyman) February 12, 2024
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
