(Видео) „Совесно и верно ќе ги извршувам должностите на функцијата што ќе ја преземам“: Трамп стана 47. претседател на САД

Доналд Трамп положи заклетва и официјално стана 47-ми претседател на САД.

„Свечено се колнам дека ќе го поддржам и бранам Уставот на Соединетите Држави против сите непријатели, странски и домашни; дека ќе бидам верен на истото; дека оваа обврска ја преземам слободно, без никаква ментална резерва или намера за затајување и дека совесно и верно ќе ги извршувам должностите на функцијата што ќе ја преземам, затоа Бог помогни ми, гласи заклетвата штоТрамп ја прочита на две библии.

Инаку, иако првично беше планирано Трамп да положи заклетва пред Капитол пред 200.000 луѓе, како што беше најавено, церемонијата беше преместена во зградата поради екстремно студеното време, поточно на  делот од Капитолот под најголемата централна купола на зградата.

Овој простор содржи скулптури, релјефи и слики на најважните американски претседатели и други значајни личности или оние кои оставиле најголем белег во историјата на таа земја. Со претседателите Хари Труман, Двајт Ајзенхауер, Џејмс Гарфилд, Улис Грант и други, како и Мартин Лутер Кинг, Елизабет Кејди Стентон, Сузан Ентони.