ВМРО-ДПМНЕ: Ќе доставиме закон до Собранието за легализација на трговијата со криптовалути и нивно чување
Ќе доставиме закон до Собранието за легализација на трговијата со криптовалути и нивно чување, се вели во партиското соопштение на опозициската ВМРО-ДПМНЕ.
-Пратеничката група на ВМРО-ДПМНЕ ќе го предложи ова законско решение, кое покрај легализирање и ставање во правна рамка на тргувањето со круптовалути ќе опфаќа и законско ослободување од пресметување на ДДВ за трговијата со криптовалути, а инвеститорите ќе се ослободат и од плаќање на данок на добивка и персонален данок на доход најмалку до крајот на 2023 година. Со ова законско решение ќе се обезбедат и до половина милијарда евра за буџетот. А тоа се половина милијарда евра повеќе за проекти и мерки за граѓаните. ВМРО-ДПМНЕ има план и визија како од Македонија да направи земја во која напредните технологии ќе бидат секојдневие, истакнуваат од партијата.
Време е да фатиме чекор со напредните држави. Време е за нови технологии и нов пристап. Време е за развој. Време е за Македонија за сите луѓе! Додаваат од таму.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа