Вонредни парламентарни избори во Косово

Косовските граѓани со право на глас денеска ќе гласаат на вонредните парламентарни избори, јави дописникот на МИА од Приштина.

Официјалната кампања за овие, осми по ред, повеќепартиски избори во повоено Косово, започна на 3 февруари, а за следење на изборниот процес се акредитирани околу 20.000 набљудувачи, кои доаѓаат од политички субјекти, медиуми, амбасади, невладини организации и други организации.

На годинешните општи избори учествуваат 28 политички субјекти сертификувани од Централната изборна комисија (ЦИК), при што нема ниеден независен кандидат.

За 120 места во косовскиот Парламент се натпреваруваат 1.068 кандидати.