Вработените во Филхармонија утре на протест поради изборот на директор
Вработените во Македонската филхармонија, за утре најавуваат протести поради изборот на директор на институцијата.
Протестoт како што најавуваат е закажан од 11.30 часот пред Министерството за култура.
„Протестот е јавен апел до Министерството за култура да ги почитува законските одредби при избор на директор на конкурсот кој заврши минатата недела.
Во тек е изборот за директор, сакаме да укажеме дека доколку не се избере најдобриот кандидат кој ги исполнува сите услови од конкурсот ќе продолжиме со протести. Нема да дозволиме нашата институција да биде жртва на бесрамни политички договори”, велат вработените во Филхармонија.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
