Вучиќ потврди: На 18 март во Македонија ќе има преговори меѓу Србија и Косово
Српскиот претседател Александар Вучиќ потврди дека премиерот Димитар Ковачевски ќе биде домаќин на средбата меѓу него и косовскиот премиер, Албин Курти.
-На 18 март би требало да се сретнеме на територијата на Северна Македонија, тогаш Борел ќе биде во посета на регионот.- изјави Вучиќ по завршувањето на состанокот.
Претходно, Прес24 објави дека според неофицијални информации, средбата ќе се одржи во Македонија, а ќе присуствуваат и високиот претставник Жосеп Борел и специјалниот пратеник Мирослав Лајчак.
Резултатот од денешниот состанок во Брисел е прифатената содржина на договорот, која според информациите прифатлива е за двете страни, без понатамошни забелешки и потреба за дополнителна дискусија по однос на текстот. Останува да се допрецизира планот за имплементација кој во деновите што следуваат ќе биде предмет на дискусија помеѓу преговарачките страни.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа