Захарова пресече: Не ни кажувајте што да правиме
Вашингтон не треба да најавува дека Русија треба да седне на преговарачка маса, туку да ги исправи грешките на демократите, изјави портпаролката на Министерството за надворешни работи на Русија, Марија Захарова.
– Веќе седнавме на преговарачка маса. Но, Вашингтон беше тој што му забрани на Владимир Зеленски да учествува во преговорите со Русија, вклучително и законска забрана. Затоа, нема потреба да се кажува како Москва треба да преговара. Треба да се поправат криминалните грешки што ги направија американските либерални демократи, истакна Захарова за РТВИ.
Претходно републиканскиот кандидат Доналд Трамп, кој победи на претседателските избори во САД, вети дека може да го реши украинскиот конфликт преку преговори. Тој повеќепати кажа дека може да го регулира украинското прашање за еден ден, додека Русија смета дека тоа е премногу сложен проблем за да се реши толку едноставно.
Покрај тоа, Трамп постојано го критикуваше американскиот пристап кон конфликтот во Украина, а исто така и Владимир Зеленски.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
