Заврши дополнителната истрага на Тошковски за убиствата на Вања и Панче: „Нема основи за дисциплинска постапка“
Одделот за внатрешна контрола, криминалистички истраги и професионални стандарди при МВР, на барање на министерот за внатрешни работи, Панче Тошковски, a во врска со истрагата за двојното убиство на П. Ж. и В. Ѓ., изврши проверки во СВР Скопје и СВР Велес.
„Ја информираме јавноста, со оглед на тоа дека извештајот е класифициран, дека е утврдено оти не постојат основи за поведување дисциплинска постапка, а воедно до Бирото за јавна безбедност при МВР се упатени задолжителни мерки да се донесат нови процедури и упатства за постапување“, соопшти МВР.
Министерот за внатрешни работи Панче Тошковски претходно изјави дека откако е поставен за министер, дошол до одредени информации и сомнежи за тоа како се постапувало во истрагата во случајот за убиството на Вања Ѓорчевска и Панче Жежовски.
Тој рече дека побарал дополнителна истрага.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
