Жителите на пацифичкиот остров Киритимати први во светот ја пречекаа Новата 2024 година со огномет и забави на отворено

Архипелагот Кирибати во Пацификот беше првиот што влезе во новата 2024 година, во недела во 11 часот по средноевропско време.

Нов Зеланд, Тонга и Самоа, а малку подоцна и Австралија ќе бидат следните кои ќе ја дочекаат новата година, а во следните часови се очекува на прославите да учествуваат милиони луѓе.

Огромни маси се формираат во Сиднеј во исчекување на еден од најспектакуларните новогодишни огномети во светот.

Непосредно пред полноќ, или 14 часот по средноевропско време, осум тони пиротехнички средства ќе бидат лансирани од двете најпрепознатливи знаменитости во Австралија – Мостот Харбор и Операта – со што ќе започне дванаесетминутниот спектакл.

Американска Самоа, на само 220 километри источно од Самоа, од другата страна на меѓународната датумска линија, ќе биде последната што ќе го наздрави доаѓањето на 2024 година.

Островите Бејкер и Хауланд, кои влегуваат последни, се ненаселени.