20-годишник паднал на најстарата измамича финта - му одзеле 4.500 долари

На 27.01.2025 во СВР Битола, 20 – годишник од битолско село пријавил дека бил измамен од едно женско лице за сума од 4.440 американски долари.

Според пријавеното, во ноември 2024 година лицето го контактирало преку социјални, се претставило дека е од Малта и дека може да помогне да се стекне со наследство на починато лице од Македонија, кое немало законски наследници.

Како што е пријавено, тие комуницирале повеќе од два месеци и во тој период преку брз трансфер на пари тој во неколку наврати ѝ уплатил вкупно 4.440 американски долари.

Се преземаат мерки за расчистување на случајот.