Бадникарски концерт и годинава во Струмица
На Бадник, 6 јануари, Фондацијата „Елеуса“ при Струмичката епархија и Школата за веронаука при храмот „Св. Кирил и Методиј“ и годинава ќе го организираат традиционалниот Бадникарски концерт и Бадниковата поворка.
Како што соопштија од Фондацијата „Елеуса“, одбележувањето на Бадник ќе почне со Бадникарска литија од Црквата „Свети Кирил и Методиј“, која ќе се движи до зградата на Општина Струмица, каде младите бадникари ќе бидат пречекани од градоначалникот Костадин Костадинов и Викарниот епископ Стобиски Јаков, кои ќе им поделат новогодишни пакетчиња на децата.
Веднаш потоа е закажан Бадникарскиот концерт на плоштадот „Гоце Делчев“, каде со богата црковна и културно-уметничка програма ќе биде одбележан Бадник.
Ученици од Школата по веронаука при храмот „Свети Кирил и Методиј“ учествуваа на новогодишниот базар. Тие ги продаваа своите рачни изработки, а сите средства собрани од продажбата се донирани на Фондација „Елеуса“.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
