Битиќи: Општествено одговорни компании ги задржаа гарантираните цени иако мерката на Владата заврши
Вицепремиерот за економски прашања, Фатмир Битиќи вели дека одредени компании самите одлучиле да ги задржат гарантираните цени до 15 мај и покрај тоа што завршија таквите мерки кои ги воведе владата.
Прашан дали Законот за нефер трговски практики, кој денеска е на дневен ред на пленарна седница на Собранието, ќе воведе ред во малопродажните цени, Битиќи рече дека ваквите одлуки на одредени ланци на маркети знаат да бидат општествено одговорни.
-Кога нема нарушување на вредносниот ланец, на ланецот на набавка стопанствениците знаат да бидат општествени одговорни кон крајните корисници. Секако, Законот е системско решение. Решение кое сме го немале, го немале никаде во Европа, е ново решение според ЕУ-директивите и мислам дека конечно значи правиот пат којшто сите го бараме, а тоа е патот кон Европската интеграција. Ваквите решенија укажуваат што е доброто на нашето интегрирање во ЕУ, вели Битиќи.
Според вицепремиерот, во тешки времиња владата ќе носи мерки во корист на граѓаните, дури и ако тие не се според пазарната логика.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
