Борисов: Коронавирусот нема да ме спречи да си ја вршам работата

Премиерот на Бугарија, Бојко Борисов, кој дома се лекува од коронавирусот, изјави денеска дека болеста нема да го спречи да ја заврши својата работа, иако се чувствува слаб.

Борисов (61) во порака на Фејсбук напиша дека нема никакви промени во неговата здравствена состојба, објави Ројтерс.

"Лекарите ме третираат како секој Бугарин кој е оставен дома. Убеден сум дека нашето општество, предводено од бројни експерти, од кои некои се најдобри во светот, успешно ќе го помине низ ова искушение. Следете ги пропишаните мерки и бидете безбедни", рече Борисов сонародници преку социјална мрежа.

Бугарија денес забележа 2.243 нови случаи на коронавирус, најголем број од почетокот на епидемијата.

Од март 40.143 Бугари биле позитивни на вирусот корона, а 1.146 починале.

Претставници на Министерството за здравство рекоа дека носењето маски е задолжително, и во затворени простории и на отворено, а социјалното дистанцирање е задолжително.

Бугарија има седум милиони жители.