Четворица приведени за пожарот во фабриката во Трубарево

Во врска со пожарот во складиштето за рециклирање на електронски отпад во Трубарево до овој момент лишени од слобода се четири лица кои што се сопственици или управители на предметниот објект се со цел целосно да се утврдат околностите и причините за настанување на истиот, соопштија од МВР.

Оперативните активности за расчистување на овој настан продолжуваат во координација со надлежен јавен обвинител.

Доцна синоќа министерот за внатрешни работи, Панче Тошковски, ја информираше јавноста дека три лица се приведени, по што од добиените информации од МВР уште едно лице е уапсено денес.