Британски медиуми: Путин ги сокрил љубовницата и децата на тајна локација во Швајцарија

Рускиот претседател Владимир Путин, наводно, ги сокрил својата љубовница Алина Кабајева и нејзините деца на тајна локација во Швајцарија поради војната во Украина.

Британскиот медиум „Мирор“ открива дека една од руските гимнастичарки со најмногу медали во историјата веќе со години е во љубовна врска со Путин и му родила неколку деца, иако рускиот претседател бил во брак со друга жена со која има две возрасни ќерки.

„Додека Путин врши напад врз Украина, притоа малтретира невини граѓани и предизвикува глобална криза, неговото семејство е сокриено во безбедна куќа во Швајцарија. Алина со Путин има две момчиња и две близначки кои се родени во Швајцарија. Сите деца имаат швајцарски пасоши“, открива „Мирор“.