ЦУК: Поплавени дворови и подрумски простории во Драчево


Скопјанец на единствениот број за итни случаи 112 пријавил дека кај него, на улица „Драчевска“ во населба Драчевo, општина Кисела Вода, и кај неговите соседи се поплавени дворовите и подрумските простории од обилните врнежи.

Како што информира Центарот за управување со кризи (ЦУК), на улицата „Драчевска“ биле запушени одводните шахти.

Пријавителот, како што се наведува, информирал за случајот и очекува помош од надлежните служби да излезат на терен и да го отстранат проблемот.

Од ЦУК посочуваат дека комуницирале со Општина Кисела Вода и со дел од надлежните субјекти.

УХМР информира дека попладне ќе биде нестабилно со пороен дожд, грмежи и услови за појава на краткотрајно невреме.

22.05.2024 - 16:48

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега