Дали и вие сте меѓу оние хороскопски знаци кои најчесто избираат погрешен партнер?

Бидејќи луѓето често се вљубуваат во погрешна личност и копнеат за вистинската, понекогаш е тешко да се забележи дали некој е посклон кон погрешни избори за разлика од другите.

Но астрологијата го има одговорот и на ова.

Следниве хороскопски знаци најверојатно ќе завршат со скршено срце многу почесто од останатите.

Овен
Храбрите и самоуверени Овни се убедени дека можат да го придобијат секој и веруваат дека во врската можат да постигнат сè што наумиле. Не им е страв од површноста, себичноста и плашливоста на партнерот, бидејќи ги немаат овие особини и не ги сфаќаат сериозно. Сметаат дека тоа се само минливи слабости и дека покрај нив партнерот ќе стане нова и подобра личност. Поради ова самите го контролираат емотивниот однос и се борат за него, но кога конечно ќе се разочараат, си заминуваат и продолжуваат со потрагата.

Бик
Биковите се приземјени, главата не им е во облаци, а срцето им е на вистинското место. Тие се верни луѓе полни со љубов, па неопходно им е партнерството и споделувањето нежности и емоции. Тешко се справуваат со самотијата, па упорно бараат партнер. Бидејќи се самоуверени и тврдоглави, навикнати се да го добиваат она што го сакаат, па дури и ако не ѝ се допаѓаат на личноста што ги привлекува, не се откажуваат. Се разбира, на крајот ќе се разочараат.

Рак
Најемотивниот знак, Ракот, најсилно се врзува за луѓето. Тој останува во токсична врска многу подолго од другите знаци бидејќи не може да го поднесе раскинувањето. Верува дека сè е можно додека постои љубов, а притоа не забележува дека чувствата се само негови. Не сфаќа дека во таа врска воглавно е сам.

Шкорпија
Кога им се допаѓа некој, Шкорпиите не знаат за пречки. Тоа што другата личност не е заинтересирана колку нив, само ги поттикнува да се трудат повеќе. Шкорпиите се подготвени на сè и не сфаќаат дека нивната упорност често ја тера другата личност да се повлече. Шкорпиите се водени од нивната опсесија и постојано имаат чувство дека се вљубени во погрешната личност.

Стрелец
Стрелците се секогаш расположени за нешто ново и ништо не може да ги сопре кога ќе наумат нешто. Подготвени се да одат и до крајот на светот и колку поневозможна им изгледа врската, толку поголем предизвик чувствуваат. Поради ова често се вљубуваат во личности кои не можат да ги имаат бидејќи живеат на другиот крај од светот, зафатени се или постојат разлики помеѓу нив. Кога ќе се разбудат од овој сон, веднаш преминуваат на друга личност која сакаат да ја освојат.

Риби
Рибите се смирени, креативни, љубезни, емотивни и сакаат да живеат во нивен свет, што подалеку од бруталната реалност. Тешко наоѓаат партнери кои имаат доволно чувства за нив, а често се вљубуваат во оние кои воопшто не ги ни забележуваат. Најчесто причината е тоа што мислат дека со таа личност би можеле да имаат живот во некоја подобра реалност. Ако долго време се сами почнуваат да паничат и завршуваат со првата личност која покажува и најмал интерес за нив. Најчесто ова е погрешната личност со која немаат ништо заедничко.