Детектор: Мажите и жените земаат иста плата на исто работно место

Мнозинството граѓани или 47,4% се на ставот дека мажите и жените во Македонија на исти работни места земаат иста плата, покажува последната анкета на Детектор, спроведена од Институтот за политички истражувања Скопје.

 25,6% сметаат дека мажите се повеќе платени иако работат на исто работно место со жената, додека 3,1% сметаат дека жените се тие кои се повеќе платени од мажите за истата работа. Половата структура на одговорите покажува дека и мажите и жените се согласуваат дека платите за иста позиција се исти и за мажи и за жени. Ваков став делат 49,8% од сите анкетирани мажи и 45,2% од жените. Дека мажите се повеќе платени сметаат 20,2% мажи и 30,9% жени. 4,4% мажи се на ставот дека жените земаат повеќе плата за иста работа, додека ваков став делат само 1,9% жени.

48,9% од анкетираните се на ставот дека мажите и жените се рамноправно застапени во јавниот сектор додека 35,2% сметаат дека не се.

56,8% од сите анкетирани мажи и 41,1% од жените сметаат дека постои рамноправна полова застапеност во јавниот сектор додека 29,7% мажи и 40,6% жени сметаат дека тоа не е случај

Анкетата на Детектор ја спроведе Институтот за политички истражувања Скопје во периодот од 27 до 30 март оваа година врз репрезентативен примерок од 1117 испитаници