Доаѓа студ: Два степени утринска температура на најстудената точка во Македонија
Утрово е најстудено, два степена, на Попова Шапка, каде изминатото деноноќие се измерени и најмногу врнежи, седум литри на метар квадратен.
Како што информира УХМР, до 08:30 часот било 5 степени во Лазарополе и Маврови Анови, 6 Крушево, 7 Берово, 8 Крива Паланка, 9 Претор, Виница, Кавадарци, Демир Капија, 10 во Скопје-Петровец, Скопје-Зајчев Рид, Штип, Тетово, Куманово, Прилеп, Охрид, Битола, Велес и Струмица, како и 14 во Гевгелија.
Водниот талог до осум часот утрово изнесува 4 литри на метар квадратен во Берово, Крива Паланка, Виница и Претор, како и 3 во Скопје-Петровец, Маврови Анови, Лазарополе, Охрид и Велес, како и еден литар на единица површина во Крушево, Куманово и Штип.
Времето денеска ќе биде променливо облачно со сончеви периоди и со услови за слаб локален дожд претежно во западните делови. Ќе дува слаб до умерен ветер од западен и северозападен правец. Максималната температура ќе достигне од 18 до 26 степени.
Во Скопје променливо облачно со сончеви периоди и со слаб ветер од променлив правец. Максималната температура ќе достигне до 22 степена
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
