Двокатен автобус полн со деца се судри со камион во Германија

Британски училишен автобус, кој превезувал деца на скијање, се судрил со камион додека патувал низ Германија.

Група од околу 73 студенти од Велс патувале низ јужна Германија за да стигнат до ски-центар во Австрија.
Во приказната на Инстаграм што ја објави училиштето, тие открија дека во судирот нема повредени ученици.

Исто така, учениците во моментов го чекаат превозот кој ќе ги однесе во Австрија за да го продолжат скијачкиот одмор.

„Carrier Davei Travel Ltd“ соопшти дека несреќата се случила на Б10, сојузен автопат долг 190 милји меѓу државата Сар и северозападна Баварија, во близина на излезот Ландау-Норд.

„Со оглед на тоа што автобусот сè уште бил делумно функционален, тој можел сам да го напушти Б10“, соопшти полицијата.

Училиштето наводно било во контакт со родителите и им се заблагодарило на службите за итни случаи во Германија.

„Сите се добро, многу благодарам на германските служби за итни случаи. Отпорноста на нашите ученици е очигледна денес“, напишаа тие во објавата на Инстаграм.

Според полицијата во Ландау, камионот удрил во двокатниот автобус кој превезувал група ученици околу 04:50 часот.

Според полицијата на Ландау, возачот на камионот наводно бил „расеан“.

Во извештаите се наведува дека по несреќата полесно е повреден само 53-годишниот втор возач.