Џафери до Силјановска: Ова не е испитна сесија, седница не се закажува со пораки

Пратеничката Гордана Силјановска на денешното продолжување на конститутивната седница во Собранието му порача на Џафери дека раѓање на внук не е причина за откажување на седница, кој поради таа причина минатата недела ја одложи седницата.

Џафери пак и порача дека седница не официјално не била закажана, за тој да ја откаже поради внукот.

-Професорке ова не е испитна седија, не се свикува со пораки, ова седница и се свикува со акт. На 13 август не беше свикана седница, туку имаше најава за подготовка за можна седница, рече Џафери.

Дофрлањата на Силјановска не се слушнаа на телевизискиот пренос. Главна порака од опозициските пратеници до новата Влада беше дека мнозинството ќе трае многу кратко.