Џенифер Гарнер ѝ се заблагодарува на Рис Витерспун што ѝ помогнала во тешките моменти

Џенифер Гарнер ѝ се заблагодари на Рис Витерспун дека ѝ помогнала да опстои во многу тешка ситуација.

51-годишната актерка откри дека покрај моралната поддршка на својата пријателка, ја советувала и да практикува танцов кардио за да преброди еден од нејзините најтешки моменти.

Џенифер, која е заеднички родител на трите деца што ги има со поранешниот сопруг Бен Афлек, по разводот во 2018 година, рече за време на панел-дискусијата на Hello Sunshine’s Shine Onevent во Лос Анџелес: „Се сеќавам како минував низ многу јавен, многу тежок момент во мојот живот. Рис беше токму таму за мене“.

Џенифер не ги откри деталите за тешкото време ниту, пак, го спомна разводот од рехабилитираниот алкохоличар Бен, со кој ги има ќерките Вајолет (17), Серафина (13) и 11-годишниот Семјуел.

Но, таа говореше за користењето вежби како помош: „Тренирав интензивни танцови кардио-вежби, вежбав толку силно што го скршив стапалото, но продолжив“.

Џенифер исто така ја искористи панел-дискусијата за да ѝ се заблагодари на Рис што ја поддржа како мајка додавајќи: „Таа ќе те погледне и ќе каже: во ред, треба да најдеш градинка. Ова дете има две и пол години, а таму треба да почнат со работа следниот месец. Всушност, мора да размислите за ова“.

Нејзиниот поранешен сопруг Бен Афлек се ожени со својата поранешна свршеница Џенифер Лопез, која ги има 15-годишните близнаци Макс и Еме со поранешниот сопруг Марк Ентони.

Двојката се венча во јули 2022 година, а минатата година Џенифер Лопез рече дека таа и Бен имаат неверојатен кородителски однос со неговата поранешна сопруга и сите добро соработуваат.