Fleet Management е идеална алатка за целосна контрола над возниот парк

Компанијата Eco Logistic Service постои само три години, но веќе се наметна како лидер во испорачувањето поштенски услуги реализирани преку електронска трговија. На почетокот оваа компанија нудеше услуги само за територијата на Скопје, но како што побарувачката стануваше поголема а бизнисот се ширеше, се создаде потреба за најмување на повеќе луѓe и активирање на повеќе возила, а тука Eco Logistic Service почувствува дека има потреба од помош. Дигиталната услуга Fleet Management на Македонски Телеком се покажа како идеалното решение за нив.

Менаџирањето со возниот парк знае да биде неблагодарна и комплицирана работа, особено кога треба да се оптимизира употребата, потрошувачката и одржувањето на возилата. За среќа, Fleet Management го прави овој процес автоматизиран и многу полесен. Повеќе за искуството со оваа дигитална алатка дознајте лично од Игор Гешовски, сопственик на Eco Logistic Service.

„Услугата Fleet Management ни овозможи целосна контрола над процесите, рационално работење и заштеди при работењето. Тоа не е скапа алатка, а на долг рок дава одлични резултати. Ние имаме цел сектор на возила кој сега ни е достапен со само еден клик и можеме да го надгледуваме движењето на возилата кога и да е, каде и да се тие. Направен е практично совршено за да имате контрола над работењето“, вели Игор Гешовски.

Автомобилите и машините, како вредни инвестиции, треба да бидат добро менаџирани за целосно се искористи нивната функционалност. Повеќе не е доволно само да ги оставите на компанискиот паркинг, за вистински успех потребно е да имате целосна контрола над нивното движење, статусот на возилата, нивната потрошувачка и безбедност. Услугата Fleet Management ви го нуди сето тоа, преку едноставна и лесна за користење мобилна апликација. Направете ја вистинската одлука и дигитализирајте го вашиот бизнис уште денес!