Го виделе дека превезува мигранти - го оставил возилото среде пат, мигранатите останале внатре

На 29.03.2025 во 20.00 часо на автопатот А1, во близина Демир Капија, полициски службеници од Полициската станица за граничен надзор и граничен проверки Богородица забележале патничко возило „бмв“ со српски национални ознаки во кое имало мигранти и кое не застанало на знак за запирање. По преземени мерки и активности, возилото било пронајдено на патот помеѓу селата Војшанци и Пепелиште, неготинско и во него била пронајдени шест лица мигранти, од кои по три од Сирија и Египет. Мигрантите биле пренесени во прифатен центар и за настанот бил известен јавен обвинител. Се преземаат мерки за расчистување на случајот, по што ќе биде поднесена соодветна пријава.