Херсон: Пожари по руско гранатирање, најмалку две жртви
По руско гранатирање избувнаа пожари во Херсон, а има и жртви, соопшти вечерва шефот на воената управа на областа Херсон, Олександр Прокудин, пренесуваат украинските медиуми.
-Центарот на Херсон повторно е под оган од руската артилерија. Мета на окупаторите биле станбени згради. На некои места, пожарите се разгоруваат на местата на ударот. Во моментов се познати две жртви. Една од нив е 92-годишна жена, се наведува во објавата на каналот Телеграм.
Како што претходно објавија украинските медиуми, денеска одекнаа неколку експлозии во областа Днепар во Херсон поради руското гранатирање од левиот брег.
Руската армија попладнево ја гранатираше населбата Новотијагинка во областа Херсон, при што е повреден еден цивил.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
