Истанбул ќе биде домаќин на финалето на ЛШ во 2023
Истанбул годинава ја загуби организацијата на финалето на Лигата на шампиони (ЛШ), и тоа втора година по ред поради ковид-19, но Европската куќа на фудбалот (УЕФА) сега официјално потврди дека турскиот град ќе го организира големиот настан во 2023 година.
Оваа информација ја најави турскиот министер за млади и спорт, Мехмет Касапоглу уште на 30 мај, но дури сега УЕФА реши официјално да ја потврди преку нивниот профил на Инстаграм.
Тоа значи дека Минхен ќе биде организатор во 2025 година.
Следната година финалето се игра во Санкт Петербург, додека во 2024 година Лондон ќе биде домаќин на големиот спетакл.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
